100) Sūrat Al-`Ādiyāt

Printed format

100)

Wa Al-`Ādiyāti Đabĥāan 100-001. കിതച്ചു കൊണ്ട്‌ ഓടുന്നവയും,
Fālmūriyāti Qadĥāan 100-002. അങ്ങനെ ( കുളമ്പ്‌ കല്ലില്‍ ) ഉരസി തീപ്പൊരി പറപ്പിക്കുന്നവയും,
Fālmughīrāti Şubĥāan 100-003. എന്നിട്ട്‌ പ്രഭാതത്തില്‍ ആക്രമണം നടത്തുന്നവയും ,
Fa'atharna Bihi Naqan 100-004. അന്നേരത്ത്‌ പൊടിപടലം ഇളക്കിവിട്ടവയും
Fawasaţna Bihi Jaman 100-005. അതിലൂടെ (ശത്രു) സംഘത്തിന്‍റെ നടുവില്‍ പ്രവേശിച്ചവയും (കുതിരകള്‍ ) തന്നെ സത്യം.
'Inna Al-'Insāna Lirabbihi Lakanūdun 100-006. തീര്‍ച്ചയായും മനുഷ്യന്‍ തന്‍റെ രക്ഷിതാവിനോട്‌ നന്ദികെട്ടവന്‍ തന്നെ.
Wa 'Innahu `Alá Dhālika Lashahīdun 100-007. തീര്‍ച്ചയായും അവന്‍ അതിന്ന്‌ സാക്ഷ്യം വഹിക്കുന്നവനുമാകുന്നു.
Wa 'Innahu Liĥubbi Al-Khayri Lashadīdun 100-008. തീര്‍ച്ചയായും അവന്‍ ധനത്തോടുള്ള സ്നേഹം കഠിനമായവനാകുന്നു.
'Afalā Ya`lamu 'Idhā Bu`thira Mā Fī Al-Qubūri 100-009. എന്നാല്‍ അവന്‍ അറിയുന്നില്ലേ? ഖബ്‌റുകളിലുള്ളത്‌ ഇളക്കിമറിച്ച്‌ പുറത്ത്‌ കൊണ്ട്‌ വരപ്പെടുകയും ,
Wa Ĥuşşila Mā Fī Aş-Şudūri 100-010. ഹൃദയങ്ങളിലുള്ളത്‌ വെളിക്ക്‌ കൊണ്ടു വരപ്പെടുകയും ചെയ്താല്‍ ,
'Inna Rabbahum Bihim Yawma'idhin Lakhabīrun 100-011. തീര്‍ച്ചയായും അവരുടെ രക്ഷിതാവ്‌ അന്നേ ദിവസം അവരെ പറ്റി സൂക്ഷ്മമായി അറിയുന്നവന്‍ തന്നെയാകുന്നു.
Next Sūrah